Cyber Love Story

ഒരു കല്ലുവച്ച നുണക്കഥ.. അഥവാ ഒരു സൈബര്‍ പ്രണയ കഥ…

ഓര്‍ക്കൂട്ടിലെ ഒരു ഫ്രന്‍ഡ് റിക്വസ്റ്റിലൂടെയായിരുന്നു തുടക്കം.. അവര്‍ തമ്മില്‍ കണ്ടിരുന്നില്ല എന്ന് പറഞ്ഞാല്‍ അത് മുഴുവന്‍ ശരിയല്ല വീഡിയോ ചാറ്റിലൂടെ കണ്ടിരുന്നു; കേമറച്ചില്ലു ബ്ലര്‍‌ഡ് ആവുന്നവരെ ഉമ്മവച്ചിരുന്നു. രാപകലില്ലാതെ എസ് എം എസ്സുകള്‍, മെയിലുകള്‍ ഇതിനു പുറമേയും. ചിലദിവസങ്ങളില്‍.. 29..30 വരെ.. ഭാവിയെപ്പറ്റി ‘വ്യക്തമായ ധാരണ‘യും അവര്‍ക്കുണ്ടായിരുന്നു. തമ്മില്‍ക്കാണുന്ന അന്നു മുതല്‍ മരണം വരെ എന്തൊക്കെ ചെയ്യണമെന്ന്‌വരെ അവര്‍ തീരുമാനിച്ചുറപ്പിച്ചു..
പിന്നെ, എല്ലാ കാമുകീകാമുകന്‍‌മാരേയും‌പോലെ മറക്കാനാവില്ല, മരിക്കുന്നതുവരെ, മരിച്ചാലും.. എന്നെ കൈവിടരുതേ.. എന്റെ ജീവന്റെ നിശ്വാമാണ് നീയിപ്പോള്‍ പറയൂ, ഞാനെന്താണ് ചെയ്യേണ്ടത്?മോനൂ… മോളൂ. ഉമ് ഹാ .. ഉം ഉം ഉം..ഹാ.” വാഗ്‌ദാനങ്ങളും, ആണയിടലുകളും,നിശ്വാസങ്ങളും,.. മണ്ണാങ്കട്ട.. നുണയായിരുന്നു, എല്ലാം.. കല്ലുവച്ച നുണകള്‍..!

ഒരുനാള്‍,
ഒരു സായംസന്ധ്യയില്‍ അവനൊരു മെയില്‍ കിട്ടി.. “ഇഷ്ടമായിരുന്നു, ഇനിയും ആയിരിക്കും, എന്നാല്‍ പഴേപോലെ ആവാനാവില്ല..” ഞെട്ടിപ്പോയെങ്കിലും‍, തളര്‍ന്നെങ്കിലും, ഒരു പുതുവര്‍‌ഷമെങ്കിലും തരാന്‍‌ അവന്‍, കരഞ്ഞു, കേണു, യാചിച്ചു.,
കിട്ടിയില്ല. അന്നേവരെയുള്ള ചാറ്റും, മെയിലും ഡിലീറ്റ് ചെയ്തിരുന്നത് ഓള്‍ മെയില്‍‌ ഫോള്‍ഡറില്‍ല്‍ നിന്നും റിസ്‌റ്റോര്‍ ചെയ്ത്, ഒരു ഫയലിലാക്കി ഒരു പെന്‍‌ഡ്രൈവില്‍ ഇട്ടു. രണ്ടു ദിവസം വേണ്ടിവന്നു.. 224 K B.. !! പകരം വീട്ടാനോ, ഭീഷണിപ്പെടുത്താനോ, ബ്ലാക്ക്‍മെയിലിനോ അല്ല. ആശാസാഫല്യങ്ങളുടെ, മോഹസാക്ഷാത്‌ക്കാരങ്ങളുടെ അപൂര്‍വനിമിഷങ്ങളില്‍ അതിയായി സന്തോഷംതോന്നുമ്പോഴെല്ലാം ഒരുസ്വയം‌പീഢനത്തിനെന്നോണം, വായിച്ച്‌നോക്കി സങ്കടപ്പെടാന്‍, വിങ്ങിപ്പൊട്ടാന്‍..കരയാന്‍..

പിന്നെ,
എട്ടുവര്‍ഷത്തിനുശേഷം, ആദ്യമായി അവന്‍ മദ്യപിച്ചു.. ഫോണില്‍ അവളെ കുറേ ചീത്തവിളിച്ചപ്പോല്‍ അല്‍‌പം സമാധാനം തോന്നി.. അങ്ങനെ ആയിരുന്നു ഒരു സൈബര്‍പ്രണയത്തിന്റെ ദാരുണമായ അന്ത്യം..!
ഇതൊരു നുണക്കഥയാണ്..! ആരും വിശ്വസിക്കണ്ടാ.. ഇത്, കല്ലുവച്ച ഒരു നുണക്കഥ..!!

Note: പണ്ട് അമ്പലത്തില്‍ വെച്ചും പള്ളിക്കൂടത്തില്‍ വെച്ചും ഇടവഴികളില്‍ വെച്ചും ഒക്കെ ആയിരുന്നു പ്രണയം… കുറേ തൂലിക സൌഹ്ര്ദങ്ങള്‍ പ്രണയമായതും ഞാന്‍ വായിച്ച അറിവുണ്ട്. ഇത് പുതിയ ലോകം . സോഷ്യല്‍ നെറ്വോര്‍കുകള്‍ അരങ്ങു വാഴുന്ന കാലം. ഒരു പ്രണയം അങ്ങനെ ഉല്‍ബവിച്ചാല്‍ …. അത് ഒരു തെറ്റ് അല്ല. പ്രണയത്തിന്റെ ഘാതകര്‍ ആകില്ല ഒരിക്കലും.